Wulffmorgenthaler er fyndið stöff. Mæli með því, sérstaklega þessum beaver karakter, hann er æði.

Annar karakter sem er algjör snilld er Dennis Moore. Hann er úr 11. þætti 3. seríu Monty Python's Flying Circus.


Vantar reyndar lokin á atriðinu en samt fáránlega fyndið. Mæli með restinni af þessu atriði.


Ég var samt að googla Dennis Moore og datt þá niður á þennan hressa kall:


Þetta er sem sagt Dennis Moore, þingmaður fyrir Kansasríki í Bandaríkjunum. Smellið á myndina til að komast á síðuna hans. Merkilegt, merkilegt.

Jæja, bara komið nýtt ár. Og þessi sæta stelpa á afmæli í dag, til hamingju Silja!

Ég var að fara yfir myndirnar af henni á myspace til að finna mynd til að setja með þessari færslu og þær eru nokkrar fáránlega flottar. Er að hugsa um að hafa textann ekki mikið lengri en setja þess í stað inn nokkrar myndir í viðbót af afmælisbarninu til að monta mig aðeins af því hvað ég á fáránlega sæta kærustu sem myndast vel



















Afmæliskveðja,
Dóri heppni

Jæja, þá eru jólin búin. Þau voru bara ansi skemmtileg þetta árið, þrátt fyrir leiðindarveikindabögg. Lítið hægt að gera við því nema reyna að vera hress.

Við fórum í sveitina milli jóla og nýárs, það var mjög gott. Slappað af í góðum félagsskap.

Ég fékk fullt af góðum jólagjöfum, aldrei leiðinlegt að fá skemmtilega jólapakka.

Frá Silju fékk ég flottan Zippo kveikjara og fleyg, pókersett, tattoogjafabréf inní tattoomyndabók og eftirfarandi DVD; Black Books (allar 3 seríurnar), Bill Bailey (3xuppistand), Jimmy Carr (2xuppistand), Ricky Gervais (2xuppistand) og Eddie Izzard (6xuppistand). Heilmikið gaman þar, sérlega skemmtilegt finnst mér að dvd safnið okkar skuli vera að stækka svona. Auk jólagjafanna eru nýlegar viðbætur í safnið allar Jeeves & Wooster seríurnar, A Bit of Fry and Laurie, Hustle, My Name is Earl, Friends og Scrubs. Fyrir eru þó nokkrar Simpsons seríur auk Monty Python snilldarinnar.

Frá Frosta fékk ég disk með handaförum máluðum á, sérdeilis prýðilegt listaverk eftir hann sjálfan. Auk þess fékk ég 3 bækur, Ást æða varps, Blótgælur Kristínar Svövu og Fönixinn hans Eiríks Norðdahl. Aldrei leiðinlegt að fá bækur. Ég fékk líka fleiri bækur í jólagjöf.

Frá mömmu og pabba fékk ég Hníf Abrahams eftir Óttar Martin Norðfjörð. Búinn að lesa hana og hún olli dálitlum vonbrigðum verð ég að segja. Líkindin við Da Vinci Code voru of mikil fyrir minn smekk. Samt ágæt.
Saman fengum við Silja tvær flottar gjafir frá mömmu og pabba, annars vegar hitateppi sem nær frá hálsi og niður bakið. Kemur sér pottþétt mjög vel, Silja er þegar búin að prófa og gefur þessu tvo þumla upp. Hins vegar fengum við bakka undir brauðrétt og hníf við. Gaman að fá eitthvað í búið þótt búið sjálft vanti enn sem komið er. Það kemur þó vonandi hið fyrsta.

Frá tengdó fengum við rafmagns Wok pönnu. Það er víst hægt að grilla á henni og allt mögulegt. Tær snilld.

Frá Ásdísi og þeim fékk ég rúmföt og 2 mjög töff bindi. Alls ekki leiðinlegt

Frá Önnu fékk ég Mugiboogie. Gargandi flott plata.

Frá Elvu, systur Silju, og fjölskyldu fengum við ryksugu. Frosti er líklega manna ánægðastur með það en við erum líka mjög sátt.

Berti, bróðir Silju, og fjölskylda gaf okkur helling af nammi. Ekki leiðinlegt um jólin.

Frá Bandaríkjunum fékk ég mjög flott veski

Frá ömmu og afa fengum við Georg Jensen jólaóróa

Frá fólkinu okkar úr sveitinni fékk ég bókina eftir Þráin Bertels, Englar dauðans minnir mig að hún heiti og The Bourne Ultimatum á dvd.

Frá Hildi fékk ég annað eintak af Fönixinum.

Arngrímur gaf okkur ljóðabók. Því miður alveg stolið úr mér hvaða bók það var en hún er sjálfsagt alveg brilliant.

Síminn ætlar líka að gefa mér jólagjöf en hún er ekki enn komin til landsins (klassísk afsökun en whatthehey), frá þeim fæ ég sem sagt Tívolí útvarp eins og þið gætuð hafa lesið í Fréttablaðinu um daginn.

Ef ég hef gleymt einhverju þá biðst ég innilegarar afsökunar, endilega leiðréttið mig.


Við Silja vorum alveg fáránlega sniðug. Við ákváðum bæði að gefa hinu gjafabréf í tattoo. Ekki nóg með það heldur fórum við á sama stað, House of Pain, og keyptum þar gjafabréf fyrir nákvæmlega sömu upphæð. Ekki heldur nóg með það heldur pökkuðum við því eins inn, földum gjafabréfið inní bók. Eina sem var ekki eins var bókin. Snilld eða hvað?

Þá er bara að halda áfram að vinna, ég ákvað að vera rosalega sniðugur og næla mér í fullt af pening með vinnu  yfir hátíðirnar. Bjóst líka við því að fólk hefði eitthvað þarfara að gera en hringja í 8007000 þessa daga. Ekki aldeilis, fullt af fólki, allt of mikið af því, finnur sér ekkert betra að gera en hringja inn og vera með vesen. Eins gott að það verði ekki margir með vesen á morgun, ég hef margt betra að gera...

Takk fyrir árið, hlakka til að hitta ykkur á því næsta (eða á eftir þau ykkar sem verða á vegi mínum fram að áramótum).
Tívolíbombukveðja,
Dóri

Jólin eru búin að vera nokkuð fín, ég vona að þið hafið öll getað notið þeirra. Reyndar eru alltof margir búnir að eyða tíma sínum í að hringja í 8007000 frekar en að gera eitthvað sniðugra, eins og t.d. að njóta þess að vera í jólafríi. Skil ekki hvað er að svoleiðis fólki...

Núna er hins vegar kominn annar í jólum og það er mjög merkilegur dagur. Það var sem sagt á þessum degi fyrir heilum 3 árum síðan sem Silja samþykkti að verða kærastan mín. Hiklaust einn af þeim dögum sem eru í uppáhaldi hjá mér. Ótrúlegt hvað það virðist stutt síðan en samt hefur svo rosalega mikið gerst á þessum tíma. Til dæmis er hún ekki lengur kærastan mín núna heldur unnusta, það er algjör snilld. Svo erum við ekki lengur 2 heldur 3, önnur snilld.

Ég hef verið hamingjusamari þessi 3 ár en öll 22 árin á undan og það er Silju að þakka.

Ég elska þig Silja.

Þessi flotta mynd er einmitt tekin á gamlárskvöld eftir að við byrjuðum saman. Þarna erum við að skoða mjög svo skemmtilega áramótakveðju frá Hildi. Góðir tímar.

Kveðja,
Dóri

Veit ekki hvað það er en mér finnst þessi mynd afskaplega jólaleg. Dáldið eins og jólakveðja frá mr. Waits eða poster fyrir svart/hvíta jólamynd.

Annars er ég kominn í frekar hressilegt jólastuð.

Það má  segja eitt jákvætt um myndina Santa Clause með Tim Allen,  í myndinni var að finna þetta lag með hinum fáránlega hæfileikaríka Michael Bublé.


Ég var að uppgötva gríðarlega skemmtilega þætti. Það eru þættir sem heita QI og koma úr smiðju snillingsins Stephen Fry. Það er hægt að nálgast þættina bæði á alluc og youtube. Mæli með að allir kíki á þá.

Og þar sem nú er komin Þorláksmessa er kominn tími á jólalag allra jólalaga, Silent Night, í flutningi meistara Tom Waits. Smellið á myndina hér að ofan til að njóta og uppfyllist jólaanda og hátíðarskapi. Ef þetta virkar ekki þá mæli ég með að jólunum ykkar verði frestað í ár.

Jólakveðja,
Dóri

Meira um Tim Vine. Hann er svona eins og afmælispartýtrúðsútgáfan af Steven Wright. Sannarlega ekki jafnfyndinn og Wright. Persónulega finnst mér hann fyndnari í þáttunum en uppistandinu en hann á sín móment.

Talandi um útgáfur af Steven Wright, hér eru fleiri útgáfur af honum.

Jimmy Carr er Posh útgáfan af Steven Wright

Mitch Hedberg er hasshausaútgáfan af Steven Wright

Demetri Martin er leikskólaútgáfan af Steven Wright

Larry the Cable Guy er ekki fyndinn!!!

Jæja, það er bara komin pressa á mig að halda áfram að blogga. Þýðir ekkert annað en að standa undir þeirri pressu.

Við Silja fórum til London í lok maí á þessu ári. Það var mögnuð ferð, fórum á frábæra tónleika og fengum okkur sitt hvort tattooið í Camden auk þess að skoða okkur um og versla. Við féllum alveg fyrir London og stefnan er að fara þangað aftur við fyrsta tækifæri, hvenær sem það svo verður.

Neðanjarðalestakerfið var mikið notað í þessari ferð, enda jafnast leigubílaferð í London á við svakalegastu rússíbanareið á góðum degi. Í eitt skipti þegar við tókum lest, sjálfsagt til að komast á Oxford Street, tók ég eftir mjög kunnulegu andliti. Ég var alveg pottþéttur á að ég kannaðist við mann sem stóð rétt hjá okkur. Ég benti Silju á hann og hún var ekki frá því að hún kannaðist líka við hann. Ég tengdi hann strax við leikara í breskum sketsaþætti þótt ég gæti ómögulega munað hvað hann héti eða í hvaða þætti hann hafði leikið. Af einhverjum ástæðum datt mér helst í hug snilldarþættirnir The Big Train en var þó ekki viss um það. Var samt algjörlega viss um að þennan mann hafði ég séð í sjónvarpi.

Við tók ansi langur og pirrandi tími þar sem ég reyndi að muna hver í fjandanum þetta væri. Ég staðfesti það að hann hafði ekki komið nálægt The Big Train  og það var sama hvaða bresku grínþáttum ég fletti upp, ég fann ekki manninn. Fátt er jafn pirrandi og að geta ekki munað eitthvað sem maður á að muna, eða telur sig eiga að muna.

Svo kom rólegur dagur í vinnunni nokkrum mánuðum seinna og ég fór að skoða youtube. Ég er mjög hrifinn af góðu uppistandi og komst í feitt þar sem ég fann þátt þar sem fjallað var um 100 bestu uppistandarana að mati Channel 4. Ég byrjaði að horfa á niðurtalninguna og fyrsti maðurinn sem ég sé þar er náunginn úr neðanjarðarlestinni, Tim Vine. Það var ekki að furða að ég tengdi hann við sketsaþátt því hann lék í snilldarþáttunum The Sketch Show. Hann átti einnig eitt sinn met í að segja flesta brandara á einum klukkutíma (þar sem brandarinn þurfti að fá hlátur frá áhorfendum til að telja) eða 499 brandara.

Ekki amalegt!

Ég veit ekki með ykkur en mér finnst hann frekar fyndinn.

Appelsínubreezer og maltbjór, fæst í ríkinu

Jæja, þá er komið að umfjöllun um jóladrykkinn 2007. Eins og allir dyggir lesendur þessa bloggs vita er jóladrykkurinn í ár appelsínubreezer og maltbjór.


Allt tilbúið fyrir blöndunina

Með jólaspenning í maga fór ég í vínbúð og keypti mér það sem til þurfti í drykkinn. Ég lét veðurofsann lítið á mig fá, í mínum huga var jólasnjókoma og ekki frá því að ég fynndi lykt af jólamat. Eins og barn sem fær stærsta jólapakkann hélt ég svo heim á leið með góssið.

Eftir tilætlaða kælingu hófst blöndunin sjálf. Ég var búinn að ákveða að blanda þetta ca. eins og venjulega jólablöndu nema sleppa kókinu þar sem það er ekki áfengt. Það þýðir að blöndunin var 2:1, appelsínubreezer í vil.


Appelsínubreezerinn kominn í glasið

Þá var komið að því að setja maltbjórinn út í. Með mikilli einbeitingu og skurðlæknanákvæmni var honum blandað við appelsínubreezerinn.


Einbeitingin var rosaleg enda vandasamt verk

Drykkurinn var tilbúinn. Við fyrstu sýn var allt í góðu lagi. Liturinn minnti óneitanlega á gamla góða jólaölið nema þó heldur rauðara og ljósara ef eitthvað er.


Svona lítur jóladrykkurinn 2007 út

Lyktin var verulega frábrugðin lyktinni sem við eigum að venjast af hinu klassíska jólaöli. Í raun var fátt sameiginlegt með lyktinni af henni og lyktinni af jóladrykknum 2007. Eiginlega var ekki hægt að finna neina maltlykt en í staðinn mjög ávaxtakennda appelsínulykt (þá meina ég blandaða ávexti, geri mér fulla grein fyrir því að appelsína er líka ávöxtur). Þarna komu fram mínar fyrstu efasemdir um ágæti drykksins en þó var haldið áfram af fullum hressleika.


Skál fyrir jólunum!

Bragðið var... ég veit eiginlega ekki alveg hvernig ég á að lýsa bragðinu. Kannski var blönduninni um að kenna en ég fann lítið maltbragð. Í staðinn var mjög yfirþyrmandi gerviávaxtabragð með frekar skrýtnu eftirbragði. Eftirbragðið minnti mig á bragð sem fylgdi bjór sem pabbi minn bruggaði einu sinni í bílskúrnum. Sá bjór var vel drekkanlegur ef hann var kældur svo nálgaðist frostmark. Jóladrykkurinn 2007 er alveg drekkanlegur en ég mæli með smá tíma til að venjast eftirbragðinu.


Hann var ekki lengi að hverfa

Eftir nokkra sopa var ég farinn að venjast bragðinu og þá reyndist þetta hinn ágætasti drykkur þótt hann væri töluvert frábrugðinn hinu hefðbundna jólaöli. Áhrifin voru nokkuð fljót að segja til sín, enda bæði bjór og romm í drykknum. Það var þó ekki hægt að finna neitt áfengisbragð.


Allt búið, duglegur strákur

Niðurstaðan er sú að drykkurinn olli nokkrum vonbrigðum. Þar gætu væntingar mínar hafa spilað góða rullu þar sem þær voru töluverðar fyrir smökkun. Það er þó viss jólastemning sem fylgir þessum drykk og hver veit nema hann fylgi mér næstu jól. Ég mæli samt ekki með því að klassíska jólaölinu sé skipt út fyrir þennan drykk því ég get ekki ímyndað mér að hann fari vel með mat. Einnig er rétt að taka fram að ekki er ráðlagt að blanda saman áfengistegundum á djamminu og ég er ekki frá því að þess gæti núna. Mér finnst áhrifa gæta enn þrátt fyrir að ég hafi bara blandað mér þennan eina drykk í gærkvöldi. Það gæti þó verið af öðrum völdum, svosem þeim að ég sofnaði seint og vaknaði frekar snemma.

Ég frétti það einnig að hann hafi mælst vel í partýi sem haldið var í gærkvöldi sem gæti þýtt það að drykkurinn sé betri ef búið er að hita upp með öðrum áfengum drykkjum áður en þessi er smakkaður.

Þessi drykkur fær

af fimm mögulegum, aðallega fyrir flippaða jólastemningu og hressandi áhrif.


Gleðileg jól 2007

Það væri svo gaman að heyra frá öllum þeim sem leggja í þennan drykk (og hinum líka), endilega komið með ykkar skoðun á jóladrykknum 2007.

Kveðja,
Dóri blandari

Hvað segiði, einhver búin/n að smakka jóladrykkinn minn? Eru kannski allir að bíða eftir að ég setji inn gagnrýni. Hún kemur á næstu dögum.

Í tilefni þess að nú eru 10 dagar til jóla (og vondumyndakvöld!!!) set ég inn einn skemmtilegan hlekk. Smellið á myndina fyrir ofan til að komast á síðu sem hefur að geyma hvorki meira né minna en 101 jólavideo sem hægt er að horfa á í gegnum internetið. Vissulega misskemmtileg en margir gullmolar þarna sem pumpa upp jólaskapið.

Dórakveðja, Jóli

Ég vildi að ég væri áskrifandi að stöð sem sýndi beint frá breska þinginu. Það er sko alvöru sjónvarpsefni. Af einhverjum ástæðum náum við Sky News án þess að vera með nokkra áskrift og þar er stundum sjónvarpað beint frá þinginu ef það er eitthvað sérstakt um að vera.

Fyrirkomulagið á breska þinginu er ansi sérstakt og þegar meðlimir þess eru að rökræða hin ýmsu mál er ekki laust við að það fari að minna mann frekar mikið á einhvers konar battl þar sem menn skiptast á að stíga fram og skjóta á hinn aðilann, dyggilega studdur af sínu liði. Þeir sem sitja fyrir aftan eru duglegir að styðja sinn mann með alls kyns köllum og jafnframt láta þeir heyra í sér þegar þeim mislíkar það sem hinn segir. Maður bíður bara eftir því að einhver segi Y'all just mad. Because today, you suckers got served.

Ég legg til að þetta fyrirkomulag verði tekið upp hérna, þá væri gaman að kíkja á áhorfendapalla Alþingis eða horfa á Alþingisrásina.


Hér má sjá The Battle of the Upper Class Twits

Rosalega er desember skemmtilegur mánuður!

Ég geri ráð fyrir að allir séu að komast í óhemjuglæsilegt jólaskap, þökk sé jólamyndalistanum mínum. Búnir að útvega sér The Holiday fyrir kvöldið og baka piparkökur með. Er það ekki? Ég er allavega kominn í jólastuð eins og sést á nýju bloggútliti.

Mér finnst rosalega skemmtilegt að eiga gott efni á DVD, hvort sem eru bíómyndir eða sjónvarpsþættir. Á sumum þeirra kemur þessi auglýsing sem er hér fyrir ofan í hvert skipti sem ég set diskinn í spilarann og get ég þá ekkert gert annað en að horfa á hana til enda áður en ég get byrjað að spila myndina/þættina. Það finnst mér ákaflega pirrandi. Mér finnst þetta frekar skondin leið til að koma skilaboðunum á framfæri, að bögga þá sem raunverulega keyptu sér efnið í stað þess að stela því á netinu. Fær mig eiginlega til að langa frekar til að sækja mér efnið á netinu...

Nóg um það, ég er kominn með jólablönduna í ár. Maltbjór og appelsínubreezer! Einföld snilld, gamla góða jólablandan nema áfeng. Er hægt að biðja um eitthvað betra? Hef reyndar ekki smakkað en kem með stjörnugjöf þegar veður leyfir. Þið getið líka hent á mig kommenti ef þið ákveðið að malla svoleiðis blöndu, t.d. með slæmumyndakvöldinu á föstudaginn. Ef það er eitthvað sem bætir Santa Claus conquers the Martians þá er það áfengi. Held þó að allt áfengið í heiminum dugi ekki til að bæta Jingle All the Way.

Jæja, gaman að fá viðbrögð við jólabloggfærslunni. Annað hefði verið súrt miðað við hvað ég lagði í þessa færslu. Ætli ég hefði ekki neyðst til þess að hætta að blogga ef kommentin hefðu látið á sér standa.

Merkilegt hversu mikil áhrif tónlist getur haft á mann. Stundum jafnast ekkert á við þá andlegu upplifun sem fylgir því að hlusta á ákveðið lag á réttum tíma. Það hljóta allir að kannast við það að eiga lög sem munu alltaf eiga sérstakan stað hjá viðkomandi fyrir það eitt að framkalla eitthvað alveg sérstakt, eitthvað óútskýranlegt.

Það kemur einhverjum sjálfsagt á óvart að það lag sem nær að hreyfa hvað mest við mér er ekki með Tom Waits. Alveg frá því ég heyrði fyrst í laginu The Weeping Song, með Nick Cave and the Bad Seeds hefur það lag haft alveg spes tök á mér sem ég get með engu móti tiltekið nánar. Það er bara eitthvað við þetta lag sem dáleiðir mig, alveg sama hversu oft ég hlusta á það.

Ég fann myndbandið á youtube og er búinn að missa töluna á hversu oft ég hef horft á það síðustu daga. Myndbandið er, eins og lagið sjálft, heillandi á afskaplega undarlegan hátt. Sjaldan hafa 2 menn getað verið jafn afkáralegir og furðulegir en samt yfirmáta svalir og heillandi.

Án þess að ég vilji gera lítið úr þætti Nick Cave í þessu lagi þá er eitthvað við röddina í Blixa sem verður ekki leikið eftir.
Njótið

Jæja, held það sé kominn tími á jólabloggfærslu. Í tilefni þess að nú er mánuður til jóla ætla ég að koma með góða jólamyndapælingu.

Athugið að ég er búinn að uppfæra þessa færslu verulega. Nú eru komnir youtube hlekkir við allar myndirnar. Einnig er hægt að smella á allar myndirnar í færslunni til að fá frekari upplýsingar. Njótið vel. Ég held ég hafi aldrei lagt jafnmikið í eina bloggfærslu.

Hér er ég með uppskrift að góðum aðdraganda jóla, ein jólamynd á dag kemur jólaskapinu í jólalag.

Einn, tveir og bingó!

laugardagurinn 1. desember
Home Alone


Ekki slæm mynd að byrja á. Nostalgía fyrir alla sem sáu þessa mynd fyrir 17 árum. Macaulay Culkin heitasta barnastjarnan á svæðinu og ýktur leikurinn gerist ekki betri. Joe Pesci og Daniel Stern í fantaformi. Hvað varð annars um Daniel Stern?
Söguþráðurinn ákaflega jólalega barnalegur og skemmtilegur.

Tilvitnunin: Keep the change ya filthy animal!

Youtube:
Hryllingsmyndin Home Alone?
Stutt útgáfa af myndinni
Kevin pantar pizzu

sunnudagurinn 2. desember (fyrsti í aðventu)
Edward Scissorhands


Þessi er klassísk. Sumir eru kannski ekki sammála um að kalla þetta jólamynd en þetta er vissulega jólaleg mynd og mér finnst hún eiga fullt erindi hérna. Hún er líka bara svo falleg og skemmtileg og tilvalin til að koma manni í ákveðið  hátíðarskap. Tim Burton og Johnny Depp klikka svo sannarlega ekki.

Tilvitnun: You see, before he came down here, it never snowed. And afterwards, it did. If he weren't up there now... I don't think it would be snowing. Sometimes you can still catch me dancing in it.

Youtube:
Kvikmyndasýnishornið
Johnny Depp spjallar um Edward
Sviðsuppsetning af myndinni

mánudagurinn 3. desember
Die Hard


Jóladínamítið mætt á svæðið. John McClane í hörkustuði í jólapartýi aldarinnar. Ekki síðri er Alan Rickman í hlutverki eins eftirminnilegasta illmennis á hvíta tjaldinu, Hans Gruber. Bara spenna, bara fjör og svo jólin þarna líka. Ein skotheld.

Tilvitnun (myndin sjálf er ein tilvitnun frá byrjun til enda en ég valdi eina góða frá meistara Alan Rickman): I wanted this to be professional, efficient, adult, cooperative. Not a lot to ask. Alas, your Mr. Takagi did not see it that way... so he won't be joining us for the rest of his life. We can go any way you want it. You can either walk out of here... or be carried out. But have no illusions. We are in charge. So decide now, each of you. And please remember: we have left nothing to chance.

Youtube:
Sýnishornið
Ballaðan um John McClane
Hans Gruber (fyrir Silju)

þriðjudagurinn 4. desember
Die Hard 2: Die Harder


John McClane snýr aftur og aftur eru jól þegar hann lendir í miðjum hasar. Ekki jafngóð og fyrsta myndin í seríunni enda enginn Alan Rickman en þessi er samt fín jólahasarmynd. Þemað í þessari viku klárt; hasar.

Tilvitnun: Yippie-kay-yay, motherfucker.

Youtube:
Yippie-kay-yay, motherfucker
Ben Stiller í Die Hard 12: Die Hungry
Gaur búinn að klippa sig inn í sýnishorn myndarinnar

miðvikudagurinn 5. desember
Lethal Weapon


Hasarinn heldur áfram nema að þessu sinni er það tvíeykið Riggs og Murtaugh sem bjargar jólunum. Gary Busey á (sjaldséða) góða spretti sem illmennið Mr. Joshua en senunni er samt stolið af stórfenglegri sítt að aftan hárgreiðslu Mel Gibson.

Tilvitnun: I'm too old for this shit!

Youtube:
Sýnishornið (80's alert!)
Upphaflega opnunaratriðið sem átti að vera í myndinni
Jólaslagsmálin

fimmtudagurinn 6. desember
Hostile Hostages (aka The Ref)

Ég man eftir þessari mynd sem Hostile Hostages en það er víst bara aukanafn þar sem opinbert nafn þessarar myndar er The Ref. Ef mig minnir rétt er hún samt á nafninu Hostile Hostages í leigum hér á landi. Denis Leary mættur á svæðið sem verulega pirraður (hvað annað?) þjófur sem rænir verulega pirrandi hjónum. Hjónin leikin af Judy Davis (sem getur verið verulega pirrandi) og Kevin Spacey (góður eins og ávallt). Skemmtilega pirrandi jólastemning.

Tilvitnun: From now on, the only person who gets to yell is me. Why? Because I have a gun. People with guns get to do whatever they want. Married people without guns - for instance - you - DO NOT get to yell. Why? NO GUNS! No guns, no yelling. See? Simple little equation.

Youtube:
Atriði úr myndinni
Annað atriði, skemmtilegt jólaborðhald
Denis Leary á þýsku

föstudagurinn 7. desember
Bad Santa


Hvað er jólalegra en Billy Bob Thornton sem drykkfeldur og geðvondur jólasveinn sem rænir verslanirnar sem hann vinnur í á jólanótt? Ekki margt. Algjör jólasnilld með góðum boðskap þarna undirliggjandi.

Tilvitnun: I've been to prison once, I've been married - twice. I was once drafted by Lyndon Johnson and had to live in shit-ass Mexico for 21/2 years for no reason. I've had my eye socket punched in, a kidney taken out and I got a bone-chip in my ankle that's never gonna heal. I've seen some pretty shitty situations in my life, but nothing has ever sucked more ass than this!

Youtube:
Sýnishornið úr myndinni
Stutta útgáfan
Sýnishornið með rússneskri þýðingu

laugardagurinn 8. desember
Mixed Nuts


Steve Martin í aðalhlutverki í þessari flippuðu jólamynd sem fjallar um fólk sem starfar eða tengist hjálparlínu, eins konar vinalínu. Juliette Lewis og Adam Sandler eru meðal þeirra sem leika kostulega karaktera í þessari frekar furðulegu sögu. Ber nafn með rentu en er þessi virði að kíkja á.

Tilvitnun: Just remember that in every pothole there is hope. Well, you see, pothole is spelled P-O-T-H-O-L-E. So if you take the P, and add it to the H, the O, and the E, and rearrange the letters... or contrariwise, you remove the O, T, and the L, you get "hope". So, just remember, in every pothole there is hope!

Youtube:
Steve Martin spilar á banjó
Steve Martin syngur með Johnny Cash og Kris Kristofferson í jólaþætti 1978
Adam Sandler syngur Chanukah lagið

sunnudagurinn 9. desember (annar í aðventu)
White Christmas


Eftir allan hasarinn og geðveikina í vikunni er ágætt að taka smá gamaldags dans- og söngvamynd á sunnudegi. Þetta er mynd frá 1954 í tecnicolor skartar þeim Bing Crosby og Rosemary Clooney í stórum hlutverkum. Lögin eru eftir Irving Berlin og dansrútínurnar eftir Bob Fosse. Ást og söngur og dans og Bing Crosby og hvít jól, er hægt að biðja um eitthvað meira?

Tilvitnun: When what's left of you gets around to what's left to be gotten, what's left to be gotten won't be worth getting, whatever it is you've got left.

Youtube:
White Christmas úr myndinni
Dansatriði úr myndinni
Michael Bolton flytur White Christmas (hárið!!!)

mánudagurinn 10. desember
Bridget Jones's Diary


Ástin heldur áfram í þessari. Brilliant feel-good mynd svo maður noti nú gott slangur. Flott til að koma manni í jólagír.

Tilvitnun: Resolution #1: uggg - will obviously lose 20 lbs. #2: always put last night's panties in the laundry basket. Equally important: will find nice sensible boyfriend and stop forming romantic attachments to any of the following: alcoholics, workoholics, sexaholics, commitment-phobics, peeping toms, megalomaniacs, emotional fuckwits, or perverts. Will especially stop fantasizing about a particular person who embodies all these things.

Youtube:
Sýnishornið
All by Myself úr myndinni
Alvöru slagsmálaatriði

þriðjudagurinn 11. desember
The Holiday


Rómantíska vikan heldur áfram með The Holiday. Bandarísk kona fer í frí til London á meðan bresk kona fer til L.A. Báðar konurnar hitta menn og ástin og allt það. Jólajólarómó to the max. Eru ekki jólin líka til þess að missa sig í rómantík?

Tilvitnun: It's Christmas Eve and we are going to go celebrate being young and being alive

Youtube:
Sýnishornið
Gagnrýni um myndina frá filmbuff83
Jack Black í Lord of the Rings

miðvikudagurinn 12. desember
The Family Man


Ekta jóla-hvað-ef-mynd með Nicolas Cage í hlutverki harðsvíraðs bisnessmanns sem fær heimsókn frá jólaandanum Don Cheadle og fær að sjá hvernig lífið væri hefði hann valið fjölskylduleiðina. Allar jólaklisjurnar í bókinni en það er líka nákvæmlega það sem maður biður um.

Tilvitnun: I'm sorry that I used to be such a saint back then, and I'm such a *prick* now!

Youtube:
Sýnishornið
Brot úr myndinni
Ítalskt flipp með myndina

fimmtudagurinn 13. desember
Trapped in Paradise


Spaugþríeykið Nicolas Cage, Dana Carvey og Jon Lovitz leika 3 smákrimmabræður sem festast í litlum bæ yfir jólin og enginn getur giskað á framhaldið - eða þannig. Ein af þessum litlu jólaklisjum sem ylja manni eins og heitt súkkulaði með rjóma.

Tilvitnun: This is your basic yoga, I learned it in prison. It's good for stressful situations like this bank robbery, or if you're ever in prison and you're surrounded by ten men, helps relax you.

Youtube:
Brot úr myndinni
Japönsk auglýsing með Nicolas Cage
Amerísk auglýsing með Jon Lovitz og Dana Carvey

föstudagurinn 14. desember
slæmumyndakvöld


Slæmar myndir geta verið góðar myndir og stundum er fátt skemmtilegra en að horfa á virkilega slæma mynd. Hérna koma 4 sem gætu verið skemmtilega lélegar.
Fyrsta er Black Christmas, sem reyndar er til í 2 útgáfum. Fyrri er frá 1974 og svo er endurgerð frá 2006. Fjallar um raðmorðingja í jólaskapi sem slátrar stelpum í systrafélagi. Michael Myers í jólafríi
Næst kemur Breakaway (aka Christmas Rush), Dean Cain er lögga sem tekur lögin í sínar hendur. Ef það er ekki nóg til að vekja áhuga þá leikur sjálfur Eric Roberts í myndinni.
Þriðji valmöguleikinn er Jingle All the Way með hjartaknúsaranum og ríkisstjóravöðvatröllinu Arnold í aðalhlutverki. Fjallar um hinn sanna jólaanda, að kaupa besta jóladótið. Uppfull af frábærum grínistum eins og Sinbad og Jim Belushi. Reyndar vert að minnast á Phil Hartman, gæti verið gaman að sjá hann í öðru hlutverki en sem raddir snilldarkarakteranna Troy McClure og Lionel Hutz.
Síðasti, og sannarlega sísti, möguleikinn  er  hörmungarepíkin  Santa Claus Conquers the Martians frá 1964. Ég held að titillinn segi allt sem segja þarf. Þetta er snilld á sama stalli og Plan 9 from outer space.
Þetta ætti að gefa nokkuð góða valmöguleika fyrir slæmumyndakvöldið. Spurning hvort það sé nokkuð hægt að velja á milli þessara mynda.

Tilvitnun: Ég trúi ekki að ég sé að horfa á þessa mynd!

Youtube:
Black Christmas upprunalega sýnishornið
Hasaratriðabrot með sjálfum Dean Cain (eitthvað af því úr Breakaway)
Jingle All the Wii
Klassísk jólamyndasýnishorn, þar á meðal Santa Claus Conquers the Martians

laugardagurinn 15. desember
The Chronicles of Narnia: The Lion, The Witch and the Wardrope


Klassískt ævintýri með mikilli skírskotun í jólin. Fátt betra á laugardegi en að missa sig í ævintýraheim í rúmlega 2 tíma. Myndin var að vísu dálítil vonbrigði komandi á eftir Lord of the Rings þríleiknum og stenst illa samanburð við t.d. Harry Potter myndirnar en þetta er klassísk saga þrátt fyrir það.

Tilvitnun: If the Witch understood the true meaning of sacrifice, she would have interpreted the deep magic differently. That when a willing victim who has committed no wrong, offers himself in a traitor's stead, the stone table will crack, and death itself will go backwards.

Youtube:
Sýnishornið
Legóútgáfa
Misheppnaðar tökur úr myndinni

sunnudagurinn 16. desember (þriðji í aðventu)
Miracle on 34th Street


Varúð - svart/hvít mynd! Þetta er jólaklassík. Skal ekki undir neinum kringumstæðum ruglast á þessari og endurgerð og ber að forðast endurgerðina eftir öllum ráðum. Upprunalega útgáfan er hins vegar jólamynd eins og þær gerast bestar. Persónulega finnst mér það að myndin sé svart/hvít gefa henni extra jólafíling. Sagan er líka falleg og boðskapurinn eins góður og þeir verða. Allir ættu að sjá þessa mynd!

Tilvitnun: You see, Mrs. Walker, this is quite an opportunity for me. For the past 50 years or so I've been getting more and more worried about Christmas. Seems we're all so busy trying to beat the other fellow in making things go faster and look shinier and cost less that Christmas and I are sort of getting lost in the shuffle.

Youtube:
Sýnishornið
Brot úr myndinni, búið að lita filmuna
Gluggaútstilling í Macy's New York 2006 var byggð á myndinni

mánudagurinn 17. desember
Jack Frost


Sennilega enn ein dæmalausa klisjan en það er samt einhver vottur af frumleika í hugmyndinni um pabbann sem snýr aftur sem snjókall til að geta verið með syni sínum um jólin. Kannski er það bara jólaskapið sem fær mann til að halda í vonina.

Tilvitnun: My balls are freezin! I never thought I'd say THAT with a smile on my face.

Youtube:
Brot úr myndinni
Rússneskt ævintýri með sama nafni
Bresk hryllingsmynd með sama nafni

þriðjudagurinn 18. desember
The Polar Express


Teiknimynd sem lítur út eins og Coca Cola jólaauglýsing um töfralest sem ferðast á norðurpólinn. Hljómar eins og sleðabjöllur í mínum eyrum. Tom Hanks í aðalhlutverki.

Tilvitnun: The thing about trains... it doesn't matter where they're going. What matters is deciding to get on.

Youtube:
Sýnishornið
Sýnishornið ef þetta væri spennumynd
Coca Cola jólaauglýsing

miðvikudagurinn 19. desember
Elf


Skemmtileg ný sýn á jólasveinalífið þar sem Will Ferrell fer á kostum í hlutverki sínu sem maður alinn upp af álfum á verkstæði jólasveinsins. Heldur svo af stað í borgina að leita að alvöru pabba sínum. Góður jólaboðskapur fylgir að sjálfsögðu en myndin er bráðfyndin og hress.

Tilvitnun: We elves try to stick to the four main food groups: candy, candy canes, candy corns and syrup.

Youtube:
Sýnishornið
Reiði álfurinn
Will Ferrell í jólaauglýsingu frá Apple

fimmtudagurinn 20. desember
How the Grinch Stole Christmas


Sígilt Dr. Seuss ævintýri með Jim Carrey í hlutverki sem er sniðið fyrir hann sem Trölli sjálfur. Dáldið eins og commercialized Tim Burton nema skárra en það hljómar.

Tilvitnun: The nerve of those Whos. Inviting me down there - and on such short notice. Even if I wanted to go my schedule wouldn't allow it. Four o'clock, wallow in self pity; 4:30, stare into the abyss; 5:00, solve world hunger, tell no one. 5:30, jazzercize. 6:30, dinner with me. I can't cancel that again. 7:00, wrestle with my self-loathing; I'm booked. Of course, if I bump the loathing to 9 I could still be done in time to lay in bed, stare at the ceiling and slip slowly into madness. But what would I wear?

Youtube:
Sýnishornið
You're a Mean One, Mr. Grinch
Klassískt grínatriði með Jim Carrey og Will Ferrell

föstudagurinn 21. desember
Love Actually


Frábærir leikarar, frábærir karakterar, frábær söguþráður, frábær jól, frábær mynd. Skylda að horfa á þessa fyrir hver einustu jól. Bara það að sjá Bill Nighy í þessari mynd syngja Christmas is all around me er tær snilld.

Tilvitnun: Christmas is a time for people with someone they love in their lives.

Youtube:
Sýnishornið
Rowan Atkinson sýnir hvernig á að pakka inn jólagjöf
Viðtal við leikara

laugardagurinn 22. desember
The Nightmare Before Christmas


Ójá! Tim Burton óskar öllum gleðilegra jóla á sinn eigin hátt. Jake Skellington í jólaskapi dauðans og sannarlega hægt að kalla þennan söguþráð jólaplott með tvisti. Tilvalið til að koma manni í dálítið öðruvísi jólaskap en einlægt jólaskap engu að síður.

Tilvitnun: You know, I think this Christmas thing is not as tricky as it seems! And why should they have all the fun? It should belong to anyone! Not anyone, in fact, but me! Why, I could make a Christmas tree! And there's not a reason I can find, I couldn't have a Christmas time! I bet I could improve it, too! And that's exactly what I'll do!

Youtube:
Sýnishornið
Byrjunin á myndinni
What's this sungið á japönsku

sunnudagurinn 23. desember (þorláksmessa og fjórði í aðventu)
Scrooged


Jólaævintýri Dickens er nauðsynlegt fyrir jólin. Þetta er ein útgáfa af þeirri sögu en í rauninni gengur hvaða útgáfa sem er. Aðrar útgáfur eru t.d. The Muppet Christmas Carol, Christmas Carol: the Movie og endalausar fleiri útgáfur.

Fyrir þá sem eru ekki hrifnir af þessu ævintýri má einnig benda á klassíkina  A Charlie Brown Christmas frá 1965.

Tilvitnun: It's Christmas Eve. It's-it's the one night of the year when we all act a little nicer, we-we-we smile a little easier, we-w-w-we-we-we cheer a little more. For a couple of hours out of the whole year we are the people that we always hoped we would be.

Youtube:
Sýnishornið
A Blackadder Christmas Carol
A Charlie Brown Christmas

mánudagurinn 24. desember - aðfangadagur
It's a Wonderful Life


Varúð, svart/hvít mynd!
Þetta er jólamynd jólamyndanna, svo einfalt er það. Frá 1946 og algjörlega sígilt meistaraverk. Til marks um það er hún í 31. sæti yfir topp 250 myndir inná imdb.com og það er verðskuldað. Hátíðarstemningin skrúfuð í botn í þessum einfalda hvað-ef söguþræði. Ef þessi kemur ykkur ekki í jólaskap þá getið þið bara hætt við jólin.

Tilvitnun: Look, Daddy. Teacher says, every time a bell rings an angel gets his wings.

Youtube:
Sýnishornið
Öðruvísi sýn á myndina
Flott atriði úr myndinni


Jæja, þá er það komið. Eflaust finnst einhverjum að myndir vanti sem ættu með réttu að vera þarna og sumum myndum hér að ofan ofaukið. Til þess er kommentakerfið. Væri líka heldur sorglegt að koma með þessa massabloggfærslu og fá engin viðbrögð.

Ég ákvað samt, í virðingaskyni við Silju, að taka National Lampoon's Christmas Vacation ekki með. Silja hatar Chevy Chase eins og pestina. Það reyndist mér heldur ekki erfitt að virða þá ósk. Santa Clause myndirnar eru heldur ekki með en við Silja sameinumst þar í óþoli okkar á Tim Allen. Öðrum myndum gæti ég mögulega hafa gleymt af einhverjum ástæðum.

Jólakveðja,
Halldór

Þetta er tjúttuð græja. Hægt að versla þetta á netinu (hvar annars staðar? fæst allt á þessu interneti) og kostar bara 10 dollara fyrir flutningsgjöld og tollaokur. Sennilega komið upp í 5000 kall eftir toll.

En hvað gerir þessi magnaða græja? Júmm, hún er uppspretta mikillar gleði, sérstaklega á vinnustað. Þú einfaldlega felur þennan litla kubb á góðum stað og kveikir á. Eftir smá tíma byrjar hún að senda frá sér skemmtileg píphljóð. Það er hægt að velja mismunandi tíðnir eða láta græjuna velja tíðni í hvert skipti.

Annoy-a-tron breytir einnig tímanum sem líður á milli pípa. Bara brilliant. Hversu pirrandi er að heyra píp sem maður áttar sig ekki á hvað veldur, hvaðan kemur eða hvenær það kemur? Sérstaklega í svona opnu rými eins og ég vinn í, þá væri þetta náttúrulega bara bjútifúl.

Getið smellt á gripinn til að sjá meira og panta.

Mig langar dáldið í þetta, finnst nafnið alveg sérstaklega skemmtilegt.

Hversu fyndið væri líka að gefa svona í jólagjöf? Kveikja á þessu og pakka svo inn. Það fylgir batterí með og snilldin er náttúrulega að batteríið dugar í 3-4 vikur.